Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Халыққа қызмет көрсету орталығы Көкпекті тұрғындарына құжат жасап жатыр

02 Сәуір 2014, 17:07
0
Тengrinews.kz иллюстрациясы
Тengrinews.kz иллюстрациясы

Су тасқынынан зардап шеккен Көкпекті ауылында халыққа қызмет көрсетудің жылжымалы орталығы жұмыс істеп жатыр деп хабарлайды Tengrinews.kz тілшісі "Халыққа қызмет көрсету орталығы" РМК баспасөз қызметіне сілтеме жасап.

"Бұқаржырау ауданының халыққа қызмет көрсету мобильдік орталығы 31 наурызда Көкпекті елді мекеніне барды. Адамдар кеңес алу үшін хабарласып жатыр, табиғи апат салдарынан тұрғындардың көпшілігі төлқұжат, жеке куәлік сияқты құжаттармен бірге, үйінің техникалық құжатынан, машинасының құжаттарынан, білімі туралы дипломынан да айырылып қалған", - делінген хабарламада. 

"Халыққа қызмет көрсету орталығының жұмыс тобы Көкпекті әкімдігінің ғимаратында күшейтілген режимде еңбек етуде. Мемлекеттік қызметтер көрсету мен құжаттарды қайта қалпына келтіру бойынша түсіндірме жұмыстары таң атқаннан кеш батқанша дейін жүргізіліп жатыр,- деп атап өтті "ХҚКО" РМК бас директорының орынбасары Әсемгүл Балташева.

Мобильдік ХҚКО-ның шалғай жатқан елді мекендерде тұрып жатқан тұрғындарға мемлекеттік қызметтер көрсету үшін арнайы жұмыс жасап жатқандығын атап өту керек. Қазір Қазақстанда 70 мобильдік ХҚКО жұмыс істеп жатыр. Олардың сапарға шығу кестелері "ХҚКО" РМК сайтында үнемі жарияланып тұрады.

Еске сала кетейік, Қарағанды облысы Бұқаржырау ауданындағы Көкпектіні суқойма суы шайып кеткен болатын. Жүздеген үйді кісі бойынан асатын су басып, ондаған баспана қирап қалды. Бес адам қаза тауып, алты адам ауруханаға түсті.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай