1. Басты
  2. Біл
  3. Жаңалықтар
  4. Ел жаңалықтары

Жанат Элиманов қаржылық мониторинг агенттігінің төрағасы болып тағайындалды 28 қаңтар 2021, 13:48

Жанат Элиманов Қаржылық мониторинг агенттігінің төрағасы болып тағайындалды, - деп хабарлайды Tengrinews.kz тілшісі.
Фото:primeminister.kz Фото:primeminister.kz

Жанат Элиманов Қаржылық мониторинг агенттігінің төрағасы болып тағайындалды, - деп хабарлайды Tengrinews.kz тілшісі.

"Жанат Қалдыбекұлы Элиманов Қазақстан Республикасының Қаржылық мониторинг агенттігінің төрағасы болып тағайындалсын", - делінген құжатта.  

Жанат Элиманов 1978 жылы Қарағанды қаласында дүниеге келген. Е.Бөкетов атындағы Қарағанды мемлекеттік университетін бітірген. 

Еңбек жолын 2000 жылы Қарағанды қаласы прокуратурасының сот қаулылары және атқарушылық іс жүргізуді орындаудағы заңдылықты қадағалау бөлімі прокурорының м. а. қызметінен бастаған. 2000 жылдан 2007 жылға дейін Қарағанды облысының және Астана қаласының (қазіргі Нұр-Сұлтан қ.) прокуратура органдарында жұмыс істеген.

2007 жылдан 2017 жыл аралығында әділет және қаржы министрліктерінің, ҚР Экономикалық және сыбайлас жемқорлық қылмыстарымен күрес агенттігінің құрылымдарында түрлі қызметтерді атқарды. 

2017 жылдан 2019 жыл аралығында ҚР Бас прокуратурасының құрылымдық бөлімшелерінде басшылық лауазымдар атқарды.

2019 жылдың ақпан айынан сәуір айы аралығында Қарағанды облысы прокурорының орынбасары болды.

2019 жылғы сәуірден бастап қазіргі таңға дейін ҚР Қаржы министрлігінің Қаржы мониторингі комитеті төрағасының орынбасары лауазымын атқарған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!