26.06.2026 айналы датасы Қазақстанда нағыз үйлену тойы бумын тудырды. Елдің көптеген қалаларында АХАТ бөлімдерінде таңертеңнен бастап жас жұбайлардың нөпірі байқалды – ондаған жұп неке қию үшін дәл осы күнді таңдаған, деп хабарлайды Tengrinews.kz.
26.06.2026 айналы датасы Қазақстанда нағыз үйлену тойы бумын тудырды. Елдің көптеген қалаларында АХАТ бөлімдерінде таңертеңнен бастап жас жұбайлардың нөпірі байқалды – ондаған жұп неке қию үшін дәл осы күнді таңдаған, деп хабарлайды Tengrinews.kz.
Үйлену тойы көбейді
Қазақстандықтар әлеуметтік желілерде АХАТ бөлімдеріндегі ұзын-сонар кезектер бейнеленген видеоларды жариялап жатыр. Елдің түрлі қалаларында түсірілген кадрлардан некелесу үшін 26.06.2026 айналы датасын таңдаған ондаған жұпты көруге болады.
Мәселен, Астанада жас жұбайлардың кезегі ғимараттың сыртына дейін созылған.
Болашақ ерлі-зайыпты өз кезегін табалдырықта күтуге мәжбүр.
Қарағандыда да неке қиюға ниет білдірушілер аз емес. Әлеуметтік желілерде жарияланған кадрлардан АХАТ бөлімінің алдында тіркеуді күткен жас жұбайлардың ұзын кезегі түзілгенін көруге болады.
АХАТ бөлімдеріндегі белсенділікке қарағанда, бүгін Қарағандыда ондаған, бәлкім, жүздеген жаңа отбасы пайда болады.
Ал бұл фото Алматыдағы АХАТ бөлімдерінің бірінде түсірілген. Мұнда да халық көп.
Фото: Tengrinews
Бүгін ең көп жас жұбайлар қай жерде некелесті?
"Азаматтарға арналған үкімет" мәліметінше, 26.06.2026 жылы Қазақстанда төрт мыңнан астам жұп қарым-қатынасын ресми түрде заңдастыруды ұйғарған.
Ең көп өтініш Алматы қаласында берілді – 830 жұп. Астанада – 740 өтініш. Ал еліміздің үшінші ірі мегаполисі Шымкентте бұл күні некеге тұруға небәрі 141 жұп шешім қабылдаған.
Өңірлер арасында республикалық маңызы бар қалалардан кейін ең көп өтініш Қостанай облысынан – 300 жұп, Шығыс Қазақстан облысынан – 252 жұп, Павлодар облысынан – 237 жұп түскен.
Айналы датада той жасауға ниет білдіргендердің ең азы Ұлытау облысында тіркелді – 49 жұп.
Өтінішті қалай беруге болады?
Өтінішті келесі тәсілдермен беруге болады:
- жеке: ел бойынша кез келген АХАТ (АХАЖ) бөліміне екеуі бірге бару;
- онлайн: eGov.kz порталы арқылы;
- телефонда: тікелей банктердің мобильді қосымшаларында ("Мемлекеттік қызметтер" бөлімінде).
Қандай құжаттар қажет?
АХАТ бөліміне өтініш берген кезде екі үміткер де келесі құжаттарды ала баруы тиіс:
- жеке куәліктер (eGov mobile қосымшасындағы цифрлық құжаттар да жарайды);
- мемлекеттік бажды төлегені туралы түбіртек (егер сізде төлемнен босататын жеңілдіктер болса, растайтын құжатты ала барыңыз);
- ажырасу туралы анықтама немесе бұрынғы жұбайының қайтыс болуы туралы куәлік (бұл тек сіздердің біріңіз бұрын некеде болған жағдайда ғана қажет).
2026 жылы тағы қандай әдемі күндер қалды?
26 маусымды таңдап үлгермегендер үшін басқа да танымал даталар әлі де бар:
- 26.07.2026 (жексенбі);
- 06.08.2026 (бейсенбі);
- 26.08.2026 (сәрсенбі);
- 26.09.2026 (сенбі);
- 06.10.2026 (сейсенбі);
- 26.10.2026 (дүйсенбі);
- 06.11.2026 (жұма);
- 26.11.2026 (бейсенбі);
- 26.12.2026 (сенбі).
Болашақ жас жұбайларға өтініш беруді соңғы сәтке қалдырмауға кеңес беріледі. Заң бойынша неке өтініш берілгеннен кейін кемінде 15 күнтізбелік күн өткен соң тіркеледі.
Тағы оқыңыз: Қазақстандықтар сирек үйленіп, жиі ажырасатын болды
