1. Басты
  2. Біл
  3. Жаңалықтар
  4. Ел жаңалықтары

Жайық өзеніне 7 миллионнан аса бекіре тұқымдас балығының шабағы жіберілді

Жайық өзеніне 7 миллионнан аса бекіре тұқымдас балығының шабағы жіберілді, - деп хабарлайды Tengrinews.kz тілшісі.

Бұл туралы орман шаруашылығы және жануарлар дүниесі комитетінің баспасөз хатшысы Сәкен Ділдахмет Facebook желісіндегі парақшасында хабарлады. 

"Бекіре тұқымдас балық түрлерін сақтау және оларды тұрақты пайдалануды реттеу мақсатында арналған балық ресурстарының өсімін молайту жөніндегі мемлекеттік тапсырыс шеңберінде Атырау бекіре балық өсіру зауыты мен Жайық-Атырау бекіре балық өсіру зауыты Жайық өзеніне 7 миллион аса бекіре тұқымдас балығының шабақтарын жіберді", - деді ол. 

2020 жылғы мемлекеттік тапсырыс шеңберінде 75 миллион дана құнды балық түрлерінің шабақтарын табиғи мекендеу ортасына жіберу көзделіп отыр.

Жыл басынан бері республиканың су қоймаларына 51,5 миллионнан аса құнды балық шабақтарының түрлері жіберілді, оның ішінде 7 миллионнан аса бекіре тұқымдас балық.

Мемлекеттік тапсырысты қазан айында аяқтау жоспарланып отыр

Қазақстан жаңалықтары. Соңғы жаңалықтар. Telegram желісінде бізге жазыл!