Жезқазғанда өзін пышақтап тастаған ер адам қала әкімімен кездесуді талап еткен

17 Мамыр 2017, 18:10
0
Жезқазғанда өзін пышақтап тастаған ер адам қала әкімімен кездесуді талап еткен -

Жезқазғанда өзін пышақтап тастаған ер адам қала әкімімен және ҰҚКД басшысы, сондай-ақ, "Нұр Отан" партиясының өкілдерімен кездесуді талап еткен, - деп хабарлайды Tengrinews.kz тілшісі.

Бұл туралы облыстық соттың баспасөз қызметіндегілер айтты.

"Бүгін сағат 11.40-та Жезқазған қалалық соттың ғимаратына үсті қан-жоса болған және пышақ ұстап алған ер адам кіріп келіп, сот төрағасын шақыруды талап етті. Қызметкер полиция жасағы мен жедел жәрдем шақырған. Біраз уақыттан соң прокуратура мен ІІБ қызметкерлері келген. Пышақты тастауын өтінген адамдарды ер адам еш тыңдамады. Бірақ бұл әрекетін ол Қарағанды облыстық сотының оны қайта жұмысқа алу туралы шешіміне қарсы екенімен түсіндірді. Ал кейінірек ол ҰҚКД басшысы, Жезқазған қаласының әкімі, "Нұр Отан" партиясының өкілдерінің келуін талап еткен. Сондай-ақ, өзіне жақындамауын талап еткен. Кейіннен арнайы жасақтағылар оны қарусыздандырып, жедел жәрдем көлігінде алып кетті", - деді ведомстводағылар.

Еске сала кетейік, осыған дейін Жезқазғанда ер адамның сот ғимаратында өзін пышақтап тастағаны хабарланған болатын. Облыстық соттағылардың айтуынша, ер адам "Қазақмыс" корпорациясының бұрынғы қызметкері. "Ол "Қазақмыс" корпорациясының экс-қызметкері. Оқиғаның мән-жайын қазір анықтап жатырмыз", - деген еді ведомстводағылар. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай