Қылмыстық-атқару жүйесі комитетінің (ҚАЖК) төрағасы Теңізжан Жәнібеков қызметінен босатылды, - деп хабарлайды Tengrinews.kz тілшісі.
ҚР ІІМ ҚАЖК сайтында комитет төрағасының міндетін уақытша атқарушы ретінде Абай Қайырбеков көрсетілген. Осыған байланысты редакция бұрынғы басшы Теңізжан Жәнібековтың жағдайы туралы сұрау жіберді.
ІІМ мәліметінше, Теңізжан Жәнібеков өз еркімен қызметінен босатылып, ҚАЖК қарамағына жіберілген. Қазіргі уақытта ол комитеттің қарамағында.
Еске салайық, бұған дейін Жәнібековке Солтүстік Қазақстан облыстық соты бір миллион теңге параға қатысты іс бойынша Солтүстік Қазақстан облысы бойынша Қылмыстық атқару жүйесі департаментінің басшысы Әділет Мұстафиновқа қатысты үкім шығарғаннан кейін сөгіс алған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
