+7 (777) 001 44 99
ПОДЕЛИТЬСЯ
Көпбалалы аналарға дөрекілік танытқан Атырау қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Нұрлы Хабиеваға қатаң сөгіс жарияланды, - деп хабарлайды "Ақ Жайық".
Көпбалалы аналарға дөрекілік танытқан Атырау қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Нұрлы Хабиеваға қатаң сөгіс жарияланды, - деп хабарлайды "Ақ Жайық".
"Хабиеваның азаматшалармен сөйлесу барысында мемлекеттік қызметкердің этикасын сақтамай, дөрекі сөйлескені анықталды. Арызданушылардың шағымы расталды", - деп хабарлады Мемлекеттік қызмет істері агенттігінің өңірлік департаментінің баспасөз қызметіндегілер.
Басылымның мәліметінше, алты баланың анасы шенеуніктің дөрекі сөйлесіп жатқан сәтін диктофонға жазып алған.
Бірақ Хабиева оған қатаң сөгіс жариялануына қатысты пікір білдіруден бас тартты.
"Не айтуым керек? Менің пікірім кімге керек? Қалағандарыңды жариялаңдар", - деді шенеунік басылым тілшісіне.
Нұрлы Хабиеваның бұл қызметке келгеніне 9 жылдан асыпты. Басылымның мәліметінше, оған қатысты шағымдар осыған дейін де болған екен.
