Қарағанды облысында отбасылық іс-шарадан кейін 8 адамнан COVID-19 анықталған
© Тұрар Қазанғапов
Қарағанды облысының әкімі Жеңіс Қасымбек облыста жаппай коронавирус жұқтырғандарға қатысты пікір білдірді, - деп хабарлайды Tengrinews.kz тілшісі.
Онлайн брифинг барысында әкім соңғы екі күнде өңірде коронавирус жұқтырғандардың саны көбейіп жатқанын айтты.
"Мысалы, Бұхар Жырау ауданындағы тұрғындардың бірі отбасылық іс-шара ұйымдастырған, үйге 20-дан аса адам шақырған. Өзінде коронавирустың белгілері болғанын білген де. Салдарынан келген қонақтардың жетеуінен және өзінен коронавирус анықталған", - дейді әкім.
Осыған байланысты Жеңіс Қасымбек вирустың қауіпті екенін және бастапқыда оның белгілері аса байқала бермейтінін ескертті.
Айта кетейік, бүгінде Қарағандыда коронавирус жұқтырғандардың саны 662-ге жетті.
Жеңіс Қасымбек COVID-19 жаппай тарауына байланысты екі әкімге сөгіс жариялады
Қазақстан жаңалықтары. Соңғы жаңалықтар. Telegram желісінде бізге жазыл!