Қарағандыда көне домбыра табылды

15 Мамыр 2017, 18:04
0
Қарағандыда көне домбыра табылды -

Қарағандыда көне домбыра табылды, - деп хабарлайды "Хабар" телеарнасы.

Құнды жәдігер шертпе күй орталығының жетекшісі Қайролла Сәдуақасовтың қолында сақтаулы. Қайролла ағамызға ұлттық аспапты Мойынты ауылында тұратын Рахманали Әбеуов ақсақал табыстапты. Ал қарияға қара домбыра 1932 жылы әкесінен мұра болып қалған. Содан бері Рахманали ата оны көзінің қарашығындай сақтап келген.

"Кешегі Сембек, Әбди, Қыздарбектердің қолы тиген домбыра. 1900 жылы жасалған. Осы домбыраны реттеп, жөндеп, сахнаға алып шығамын ба деп отырмын. Елбасымыздың "Болашаққа бағдар: рухани жаңғыру" атты бағдарламасы шықты. Бұл бізге өте керемет қолдау болып отыр", - деді "Күй керуен" шертпе күй орталағының жетекшісі Қайролла Сәдуақасов

Қазақтың ұлттық күй өнерін зерттеп жүрген Қайролла Сәдуақасовтың айтуынша, бұл көне домбырада атақты Қыздарбек, Әбди, Сембек күйшілердің ойнауы әбден мүмкін. Себебі олардың барлығы осы Шет өңірінде өмір сүрген. Домбыра да сол уақыттарда жасалыпты. Қайролла ағамыз жәдігерді мұражайға тапсырмайтынын айтады. Көне аспапты қайтадан қалпына келтіріп, алдағы күзде өтетін Әбікен Хасенұлының 125 жылдығына арналған республикалық фестивальде күй орындамақшы.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай