Еңбек және халықты әлеуметтік қорғау министрі Біржан Нұрымбетов 2020 жылдың төртінші тоқсанында халық жұмысқа толық кірісе алатынын мәлімдеді. Оның сөзінше, бәрі коронавирус инфекциясы жағдайына байланысты, - деп хабарлайды Tengrinews.kz тілшісі.
"Карантин шараларының негізгі жеңілдетілуі маусым-шілдеде болады деп ойлап отырмыз, осы жылдың төртінші тоқсанында халық жұмысқа толық кірісе алады. Жыл қорытындысы бойынша, жұмыссыз деңгейі 5,9 пайыз болуы мүмкін, ТЖ режиміне дейін ол 4,5 пайыз болған", - деді министр брифингте.
Бұған дейін министр еңбек нарығындағы ахуал мен жұмыспен қамтуды қалпына келтіру карантиндік шараларды жеңілдету қарқынына және кәсіпорындардың, ұйымдардың қызметін жалғастыру, сондай-ақ, экономиканы жандандыру шараларына байланысты болатынын атап өткен.
"Жұмыспен қамтуды қалпына келтіру процесі күрделене түседі. Соған қарамастан, біз, әрине, Еңбек және халықты әлеуметтік қорғау министрлігі деңгейінде болжамдар жасадық", - деді Нұрымбетов.
Қазақстан жаңалықтары. Соңғы жаңалықтар. Telegram желісінде бізге жазыл!
