Қайрат Лама Шариф Қазақстанның Мысырдағы елшісі болып тағайындалды, - деп хабарлайды Tengrinews.kz тілшісі Ақордаға сілтеме жасап.
"Қайрат Қайырбекұлы Лама Шариф Қазақстан Республикасының Мысыр Республикасындағы Төтенше және Өкілетті Елшісі қызметіне тағайындалды", - делінген хабарламада.
Қайрат Лама Шариф 1962 жылы 1 қаңтарда Павлодар облысы Ертіс ауылында дүниеге келген. Павлодар педагогикалық училищесін және әл-Фараби атындағы Қазақ ұлттық университетінің шығыстану факультетін үздік бітірген.
1986-1989 жылдары Йеменде араб тілінің аудармашысы, 1990-1991 жылдары - "Рауан" баспасының шетелдік редакциясының редакторы, 1991-1993 жылдары - ҚазҰУ-дың араб филологиясы кафедрасының оқытушысы.
1993 жылдан бастап Сыртқы істер министрлігінде Консулдық басқарманың үшінші хатшысы, содан кейін Таяу, Орта Шығыс және Африка елдерінің басқармасы болып жұмыс істей бастады. 1993-2002 жылдары Қазақстанның Мысырдағы елшілігінде жұмыс істеді, онда үшінші хатшыдан кеңесшіге дейін қызмет етті. 1996-1998 жылдар аралығында СІМ Орталық аппаратында екінші, бірінші хатшы болып жұмыс істеді.
2006-2011 жылдары- Қазақстанның Сауд Арабиясы Корольдігіндегі Елшісі, Қазақстанның Ислам Конференциясы Ұйымындағы тұрақты өкілі,Қазақстанның Кувейт Мемлекетіндегі, Оман Сұлтандығындағы және Бахрейн Корольдігіндегі Елшісі қызметін қоса атқарушы. 2011-2013 жылдары-дін істері агенттігінің төрағасы. 2013-2019 жылдары - Қазақстанның БАӘ-дегі Елшісі, Қазақстанның жаңартылатын энергия жөніндегі халықаралық агенттіктегі Тұрақты Өкілі.
Қазақстан жаңалықтары. Соңғы жаңалықтар. Telegram желісінде бізге жазыл!