Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Қазақша күрес пен тоғызқұмалақты мектеп бағдарламасынан көргім келеді - Тастанбек Есентаев

01 Сәуір 2014, 15:31
0
Тастанбек Есентаев ©Тengrinews.kz
Тастанбек Есентаев ©Тengrinews.kz

Қазақша күрес пен тоғыз құмалақ мектеп бағдарламасына кіруі мүмкін деп хабарлайды Tengrinews.kz тілшісі Спорт және дене шынықтыру істері агенттігінің төрағасына сілтеме жасап.

Парламент Мәжілісінде бұқаралық спортты дамыту  проблемаларына арналған Үкімет сағатында агенттік төрағасы өз жоспарымен бөліскен болатын.

"Біз бұқаралық спорттың негізінде  ұлттық спортты дамытуға тиіспіз. Бұл жағынан келгенде өркениетті елдердің мысалына жүгінсек, Жапония бүгінде дзюдоны төл күресі ретінде мектеп бағдарламасына енгізді. Литва баскетболды балабақшадан бастап өркендетіп отыр.Оңтүстік Корея таеквондоны мемлекеттік деңгейде дамытып, кейін жазғы олимпиаданың бағдарламасына енгізді", - деді Тастанбек Есентаев.

Оның сөзінше ұлттық спортымызда тап осылай әспеттейтін болсақ, болашағы зор болмақ. Сонымен қоса, тек ел көлемінде шектелмей, бүкіләлемдік спорт түріне айналатыны анық.

"Бізде қазақ күресі мен тоғызқұмалақты мектеп бағдарламасына қосып, болашақта қазақ күресін Олимпиада ойындарының бағдарламасынан көргіміз келеді. Ұлттық спортпен шұғылданушылар қатары өскен сайын бұқаралық спорттың өрісі кеңейе түсетінін әр кез естен шығармау керек", - дейді ол.

Қазір қазақ күресі бойынша халықаралық деңгейдегі жарыстар жылда ұйымдастырылады. Осыған дейін 5 рет әлем чемпионаты, 2 рет әлем Кубогы, сондай-ақ Азия мен Еуропа чемпионаттары бірнеше мемлекеттерде жалауын желбіретті. Сонымен бірге, былтыр Тараз қаласында өткен "Еуразия барысы" турнирі биыл Венгрияда өтуі мүмкін.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай