"Қазақстан аруы-2018" анықталды

31 Наурыз 2018, 20:52
0
"Қазақстан аруы-2018" анықталды - © Тұрар Қазанғапов
© Тұрар Қазанғапов

Атыраулық 16 жастағы Альфия Ерсайын "Қазақстан аруы-2018" атанды, - деп хабарлайды Tengrinews.kz.

Байқаудың жеңімпазы ақшалай сыйлыққа, көптеген жарнамалық келісімшартқа және "Әлем аруы-2018" байқауында Қазақстанның намысын қорғау мүмкіндігіне ие болады.

Айта кетейік, бұл байқаудың финалы жылда Жаңа жыл мерекесінде болатын, биыл бірінші рет Наурыз кезінде өтті.

Финалға бес ару шықты: 18 жастағы алматылық Сабина Әзімбаева, атыраулық 16 жастағы Альфия Ерсайын, астаналық 19 жастағы Маймуна Күлкешова, қарағандылық 19 жастағы Екатерина Дворецкая және семейлік 17 жастағы Динара Баймұратова.

Шараны тележүргізуші Динара Сатжан мен шоумен Арнұр Ыстыбаев жүргізді.

© Тұрар Қазанғапов

Финалға шыққан бес аруды қазылар алқасы таңдаса, еліміздің номері бірінші аруын қазақстандықтар онлайн және SMS-дауыс беру арқылы таңдады.

Ұйымдастырушылардың айтуынша, SMS-дауыс беруден және "Қазақстан Аруы-2018" финалының билетінен түскен қаржы Астанадағы қайырымдылық бағдарламаларына жұмсалады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай