Қазақстан Украинаға 70 миллион теңгенің азық-түлігін жібереді

22 Желтоқсан 2014, 22:13
0
Қазақстан Украинаға 70 миллион теңгенің азық-түлігін жібереді - Фото Тengrinews.kz мұрағатынан
Фото Тengrinews.kz мұрағатынан

Қазақстан Украинаға гуманитарлық көмек жібереді, - деп хабарлайды Тengrinews.kz тілшісі ҚР Сыртқы істер министрлігінің баспасөз қызметіне сілтеме жасап.

Баспасөз қызметінің мәліметінше, 2014 жылғы 19 желтоқсан күні ҚР Үкіметінің "Украинаның оңтүстік-шығыс аймақтарына гуманитарлық көмек көрсету туралы" қаулысы қабылданды. "Қазақстан Республикасының Президенті Н.Ә. Назарбаевтың Украинаның оңтүстік-шығыс аймақтарына гуманитарлық көмек жолдау туралы шешімін орындау мақсатында Қазақстан Республикасының Үкіметі қаржылық және материалдық ресурстар бөлді", - делінген хабарламада.

Қаулыға сәйкес, еліміздің мемлекеттік материалдық резервінен жалпы сомасы 69 727 875 теңге болатын азық-түлік Украинаға жолданатын болады. 

2014 жылы 6 қазанда ҚР Сыртқы істер министрлігі Украинаның гуманитарлық қажеттіліктері үшін Қызыл кресттің Халықаралық комитетіне 30 мың АҚШ долларын Қазақстанның мүшелік жарнасы ретінде төлеу үрдісін аяқтады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай