1. Басты
  2. Біл
  3. Жаңалықтар
  4. Ел жаңалықтары

Қазақстанда 120 дәрігер коронавирус жұқтырған 06 сәуір 2020, 15:52

Бас мемлекеттік санитар дәрігер Айжан Есмағамбетова 120 медициналық қызметкер коронавирус жұқтырғанын айтты, - деп хабарлайды Tengrinews.kz
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Сурет: elements.envato.com Сурет: elements.envato.com

Бас мемлекеттік санитар дәрігер Айжан Есмағамбетова 120 медициналық қызметкер коронавирус жұқтырғанын айтты, - деп хабарлайды Tengrinews.kz тілшісі.

"Бүгінгі таңда медицина қызметкерлері арасында барлығы 120 науқас тіркелген. Олардың арасында 67 дәрігер коронавирус инфекциясына күдікті немесе ауырған адамдарға медициналық көмек көрсеткен. Бір науқастың жағдайы ауыр, тоғыз адамдікі орташа, қалған 57 адамда індет жеңіл және симптомсыз өтіп жатыр", - деді ол.

Жалпы Қазақстанда коронавирус табылған 16 науқастың жағдайы ауыр.

3 сәуірде денсаулық сақтау министрі Елжан Біртанов ел бойынша медицина қызметкерлері арасында вирус жұқтырған 28 адам туралы хабарлаған болатын.

Еске салайық, бұған дейін коронавирус жұқтырған 20 адам тіркелген болатын, олардың ішінде Жамбыл облысында - 1, Шығыс Қазақстан облысында - 1, Маңғыстау облысында - 2, Қарағанды облысында - 16 адам. Барлығы елде 604 жағдай расталды.

Коронавирустан 45 науқас сауығып шықты, оның 24-і Нұр-Сұлтанда және 21-і Алматыда. Елімізде 6 адам қайтыс болды.

Қазақстан жаңалықтары. Соңғы жаңалықтар. Telegram желісінде бізге жазыл!