Қазақстанда жаңбыр жауып, күн салқындайды. "Қазгидромет" РМК синоптиктері 12-14 тамызға арналған ауа райы болжамын ұсынды, - деп хабарлайды Tengrinews.kz тілшісі.
Болжамға сәйкес, Батыс Сібір орталығынан созылып жатқан циклон әлі де республиканың шығыс жартысына әсер етіп, қолайсыз ауа райын қалыптастырады. Мұнда жаңбыр жауады, шығыс пен оңтүстік-шығыста нөсер болады. Сондай-ақ, найзағай ойнап, бұршақ жауып және екпіні күшті жел соғады.
"Еліміздің солтүстік, орталық және шығыс бөліктерінде ауа температурасы түнде 5-13, күндіз 15-23 градусқа дейін, оңтүстік бөлігінде түнде 8-18, күндіз 18-34 градусқа дейін, ал батыс бөлігінде түнде 17-27, күндіз 30-40 градусқа дейін төмендейді", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
