"Қазгидромет" синоптиктері 20, 21 және 22 мамырда Қазақстанда ауа райы қандай болатынын болжады, - деп хабарлайды Tengrinews.kz тілшісі.
Алдағы күндері Қазақстанда ауа райына циклондық әрекет әсер етеді, жаңбыр, найзағай, бұршақ, екпінді жел, дауыл күтіледі. Тек елдің шығысында, 20-21 мамырда оңтүстігінде және оңтүстік-шығысында жауын-шашынсыз ауа райы сақталады.
"20 мамырда түнде Батыс Қазақстан облысында, 22 мамырда күндіз Ақтөбе облысында жаңбыр күтіледі. Оңтүстік пен оңтүстік-шығыста құмды дауыл болжанады. Елдің оңтүстік-батысы мен шығысында тұман болады", – делінген хабарламада.
Қазақстанда ауа температурасы қалай өзгереді
- елдің батысы мен солтүстік-батысында күндізгі температура 18-28 градустан 15-25 градусқа дейін төмендейді;
- солтүстігінде 20-26 градустан 20-29 градусқа дейін көтеріледі;
- орталық пен шығыста 20-28 градустан 22-33 градусқа дейін көтеріледі;
- оңтүстікте 25-35 градустан 28-38 градусқа дейін көтеріледі;
- оңтүстік-шығыста 22-30 градустан қатты ыстыққа – 30-38 градусқа дейін көтеріледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
