Қазгидромет синоптиктері 16, 17 және 18 қыркүйекке арналған ауа райы болжамын ұсынды, - деп хабарлайды Tengrinews.kz тілшісі.
Жаңбыр және тұман
Алдағы күндері Қазақстанның басым бөлігіне оңтүстік циклон және сонымен байланысты атмосфералық фронтал бөліктер әсер етеді. Найзағай ойнап, жаңбыр жауады, 16-18 қыркүйек аралығында республиканың оңтүстік-шығысында қатты жаңбыр күтіледі.
Тек еліміздің батысында ғана жауын-шашынсыз ауа райы болжанады. Республика бойынша желдің күшеюі, ал кезеңнің соңында Қазақстанның солтүстік-батысында, солтүстігінде түнгі және таңғы уақытта тұман күтіледі.
Ауа температурасы қалай өзгереді?
- Батыс: түнде +5...+16 градус, күндіз +18...+28 градус.
- Солтүстік-батыс: түнде +1...+10 градус, кей жерлерде -1 градус үсік, күндіз +15...+23 градус.
- Солтүстік: түнде +2...+10 градус, кей жерлерде -1 градус үсік, күндіз +15...+23 градус.
- Орталық: түнде +2...+11 градус, күндіз +10...+20 градус.
- Шығыс: түнде +1...+6 градус, кезең соңына қарай +2...+10 градус, күндіз +15...+20 градус.
- Оңтүстік: түнде +8...+18 градус, күндіз +15...+25 градус.
- Оңтүстік-шығыс: түнде +10...+18 градус, күндіз +15...+25 градус.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
