Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Қазақстанда бір күнде ресейліктер ЖСН алуға 13 мың өтініш берген 27 қыркүйек 2022, 17:03

Қазақстанда бір күн ішінде ресейліктер ЖСН алуға 13 мың өтініш берген, - деп хабарлайды Tengrinews.kz тілшісі.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Фото: Tengrinews.kz/Тұрар Қазанғапов Фото: Tengrinews.kz/Тұрар Қазанғапов

Қазақстанда бір күн ішінде ресейліктер ЖСН алуға 13 мың өтініш берген, - деп хабарлайды Tengrinews.kz тілшісі.

"Ресей азаматтары бейрезидент ЖСН-ін алу үшін ХҚКО-ларға жаппай өтінім беріп жатыр. Нәтижесінде жүктеменің артуы байқалады. Қазақстанда уақытша болатын шетелдіктер мен азаматтығы жоқ адамдарға ЖСН қалыптастыру қызметі "Азаматтарға арналған үкімет" және шетелдік мекемелер арқылы көрсетіледі", - деді цифрлық даму, инновациялар және аэроғарыш өнеркәсібі вице-министрі Әсет Тұрысов.

Оның айтуынша, ЖСН бір жұмыс күні ішінде дайындалады, бейрезиденттің төлқұжаты болуы қажет, көрсетілетін қызметті алушының өкілі жүгінген жағдайда нотариалды куәландырылған сенімхат қажет.

"Қазіргі уақытта ЖСН алу үшін ресейліктер ағыны Астана, Алматы және шекаралас қалаларда көп байқалады. Кеше ғана еліміз бойынша 13 мыңнан аса өтінім қабылданды. Шамамен осындай мөлшер бір ай бойы қабылданатын еді", - деп қосты ол.

Шетелдік азаматтарға қызмет көрсету үшін ЦДИАӨМ Астана мен Алматыда, сондай-ақ Қостанай, Батыс Қазақстан, Солтүстік Қазақстан, Павлодар, Ақтөбе және Ақмола облыстарында жекелеген ХҚКО-лар жұмысын күшейту туралы шешім қабылдағаны айтылған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram