+7 (777) 001 44 99
ПОДЕЛИТЬСЯ
Қазақстанда екі колония жабылады, - деп хабарлайды Tengrinews.kz тілшісі ҚР ІІМ ҚАЖ комитетінің баспаөз қызметіне сілтеме жасап.
Қазақстанда екі колония жабылады, - деп хабарлайды Tengrinews.kz тілшісі ҚР ІІМ ҚАЖ комитетінің баспаөз қызметіне сілтеме жасап.
Ішкі істер министрі Ерлан Тұрғымбаевтың тапсырмасымен сотталғандарды тиісінше қалыпты жағдайда ұстау үшін жыл соңына дейін қылмыстық-атқару жүйесінің 2 мекемесін жабу жоспарланған. Олар - Қостанай облысы Құсмұрын кентінде орналасқан УК-161/4 және Шығыс Қазақстанда Шуақ кентіндегі ОВ-156/17 мекемелері.
"Соңғы он жылда Қазақстандағы жазаларды орындау мекемелеріндегі сотталғандардың саны 2 есеге азайған. Осыған байланысты, бірнеше жыл қатарынан тозығы жеткен, барлық жағынан ескірген колонияларды жабу бойынша жұмыстарды жүргізіп жатырмыз. Мәселен, өткен жылы біз осындай 4 мекемені жаптық.
Оңтайландыру кезінде назарға алынатын тағы бір мәселе, ол - облыс орталықтарынан шалғайда орналасқан мекемелерді жабу. Себебі, сотталғандарды жұмыспен қамтамасыз етумен қатар, қызметкерлерді жұмысқа алу кезінде белгілі қиындықтар туындайды. Үнемделген қаржы өзге пенитенциарлық мекемелердің материалдық-техникалық жүйесін жақсартуға бөлінетін болады", - дейді ҚР ІІМ ҚАЖ комитеті төрағасының міндетін атқарушы Есқали Саламатов.
Комитет мәліметінше, жабылып жатқан колониялардың қызметкерлері қызметін қылмыстық-атқару жүйесінің өзге бөліністерінде жалғастыратын болады. Ал жазасын өтеп жатқан адамдар кезең-кезеңімен коммуналды-тұрмыстық жағдайы әлдеқайда жақсы қауіпсіздігі (режим түрі) ұқсас жақын жерлердегі мекемелерге ауыстырылады.
Қазақстан жаңалықтары. Соңғы жаңалықтар. Telegram желісінде бізге жазыл!
