27 наурыз 2022 12:02

Қазақстанда жаңа облыстар қалай құрылады? Министрлік жауап берді

ПОДЕЛИТЬСЯ

Фото: Tengrinews.kz/Тұрар Қазанғапов Фото: Tengrinews.kz/Тұрар Қазанғапов

Ұлттық экономика министрлігі Қазақстанда жаңа облыстар қалай құрылатынын айтты, - деп хабарлайды Tengrinews.kz тілшісі.


Ұлттық экономика министрлігі Қазақстанда жаңа облыстар қалай құрылатынын айтты, - деп хабарлайды Tengrinews.kz тілшісі.

Әлеуметтік желілерде елде құрылатын жаңа облыстардың картада көрсетілген бірнеше нұсқасы жүр.

Алайда министрлік өкілдері қазір облыстар нақты қалай бөлінетінін айту әлі ерте екенін хабарлады.

Посмотреть эту публикацию в Instagram

Публикация от Qazaq Grammar (@qazaqgrammar)

"Құрылған комиссия әр облыс бойынша орналасу, көлік жолдары, әлеуметтік-экономикалық және инфрақұрылымдық даму жағдайын жан-жақты зерттейді. Қазіргі уақытта облыстардың аумағы нақты қандай болатынын айту әлі ерте.

"Қазақстан Республикасының әкімшілік-аумақтық құрылысы" туралы заңға сәйкес жергілікті өкілді және атқарушы органдар осы мәселе бойынша үкіметке ұсыныс айтуы тиіс", - деді ведомстводағылар.

Ол үшін өңірлер әртүрлі деңгейдегі әкімдердің шешімдерін, әкімдіктердің қаулылары мен мәслихаттардың шешімдерін қабылдау мәселелері бойынша ұйымдастырушылық-дайындық жұмыстарын жүргізуі, сондай-ақ "Ашық НҚА" порталында жария талқылау өткізуі қажет.

"Бүгінде министрлік үш облыс әкімдіктерінің өкілдерімен тығыз жұмыс істеп жатыр. Бұл процедуралар белгілі бір уақытты қажет етеді. Мемлекет басшысының Жарлығы дайындалып жатыр", - делінген Tengrinews.kz сауалына жауапта.

Бұған дейін Қазақстанда жаңа облыстар пайда болғаннан кейін ел әкімшілік түрде 20 аумаққа бөлінетіні белгілі болған: 17 облыс және республикалық маңызы бар үш қала.

Президент Қасым-Жомарт Тоқаев Жолдауында еліміздің әкімшілік-аумақтық құрылымын жетілдіру қажет екенін мәлімдеді. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети