1. Басты
  2. Біл
  3. Жаңалықтар
  4. Ел жаңалықтары

Қазақстанда жаңадан коронавирус жұқтырғандар тіркелген жоқ - Министрлік

Қазақстанда коронавирустың жаңа оқиғалары тәулік ішінде тіркелген жоқ. Бұл туралы Денсаулық сақтау министрлігінің тауарлар мен қызметтердің сапасы мен қауіпсіздігін бақылау комитеті мәлімдеді, - деп хабарлайды Tengrinews.kz тілшісі.

"Өткен тәулікте елімізде коронавирус инфекциясын жұқтырғандар анықталған жоқ. Ауырғандар саны - 4 адам. Олар дәрігерлерді қатаң бақылауда, карантинде жатыр. Олармен байланысқан азаматтар анықталып, бақылауға алынды", - делінген комитеттің Telegram-дағы арнасында.

Ведомство өкілдері республикада COVID-19 алдын алу және оған қарсы күрес жөніндегі іс-шаралар толық көлемде жалғасатынын атап өтті.

Еске салайық, қазіргі уақытта төрт қазақстандықтың коронавирус жұқтырғаны белгілі. Екеуі Алматыда ауруханаға жатқызылған, олар Германиядан 9 және 12 наурыз күндері келген. Бір науқас 12 наурызда Италиядан келген. Тағы бір қазақстандық Германияда ауруханаға жатқызылған.

Қазақстан жаңалықтары. Соңғы жаңалықтар. Telegram желісінде бізге жазыл! 

Доллар арзандады