Қазақстанда жыл басынан бері 57 радикал сотталды - ҰҚК

05 Қыркүйек 2016, 17:19
0
Қазақстанда жыл басынан бері 57 радикал сотталды - ҰҚК - © kpbs.org
© kpbs.org

Қазақстанда 57 радикал сотталды, - деп хабарлайды Tengrinews.kz тілшісі ҚР ҰҚК сілтеме жасап. 

Ведомствоның мәліметінше, 2016 жылдың басынан бастап ұлттық қауіпсіздік органдары Қазақстанда лаңкестік және діни-экстремистік қылмыстар жасағаны үшін 57 радикалды соттаған.

"Төрт жеке тұлға мен сегіз радикал топтың жолы кесіліп, бейтараптандырды", - деді ҰҚК-нің өкілдері.

Биылғы 31 тамызда Ұлттық қауіпсіздік комитетінің Батыс Қазақстан облысы мен Ақтөбе облыстарының территориясында үш лаңкестік топтың жолы кесілгені айтылады. 

Осы топтардың мүшелеріне қатысты сотқа дейінгі тергеу жұмыстары ҚР ҚК 174-бабы ("Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру"), 256-бабы ("Терроризмдi насихаттау немесе терроризм актiсiн жасауға жария түрде шақыру"), 257-бабы ("Террористiк топ құру, оған басшылық ету және оның әрекетіне қатысу")  231-бабы ("Жалған ақша немесе бағалы қағаздар жасау, сақтау, алып өту немесе өткізу"), 287-бабы ("Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру"), 288-бабы ("Қаруды заңсыз жасау") бойынша іс қозғалған.

Сот санкциясы бойынша Батыс Қазақстаннан 10 адам және Ақтөбе облысында 11 адам сотталған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай