Синоптиктер 22, 23 және 24 сәуір күндері Қазақстанда ауа райы қандай болатыны жөнінде болжам жасады, - деп хабарлайды Tengrinews.kz тілшісі.
Қазақстандағы ауа райы болжамы
Атмосфералық фронттардың өтуіне байланысты елдің көп бөлігінде ауа райы құбылмалы болады деп күтіледі: жаңбыр, найзағай, түнде солтүстікте, шығыста және оңтүстік-шығыстың таулы аймақтарында жаңбыр жауып, кейін қарға ұласатын жауын-шашын болжанып отыр.
"Тек Ақтөбе мен Қызылорда облыстарында антициклон жотасының ықпалымен жауын-шашынсыз ауа райы сақталады. Республика бойынша желдің күшеюі, оңтүстікте және оңтүстік-батыста шаңды дауыл, түнгі және таңғы уақытта тұман күтіледі", – деді синоптиктер.
Ауа температурасы болжамы
Синоптиктердің болжамынша, түнгі уақытта үсік жүруі мүмкін:
- 22 және 24 сәуір – Солтүстік Қазақстан және Павлодар облыстарында -3°С дейін;
- 22 сәуір – Қарағанды облысында -1°С дейін;
- 22–23 сәуір – Шығыс Қазақстан және Абай облыстарында -1°С-тан -8°С-қа дейін;
- 24 сәуір – Ақмола және Қостанай облыстарында -1…-3°С дейін суытады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
