1. Басты
  2. Біл
  3. Жаңалықтар
  4. Ел жаңалықтары

Қазақстанда қай мектептер қалыпты режимде жұмыс істей береді?

Білім және ғылым министрі Асхат Аймағамбетов Қазақстанда қандай мектептер қалыпты жағдайда жұмыс істей алатынын айтты,, - деп хабарлайды Tengrinews.kz тілшісі.

"Білім беру ұйымдарын дайындау бойынша белсенді жұмыс жүргізіліп жатыр. Денсаулық сақтау министрлігінің мәліметінше, жыл сайын оқушылардың 70 пайызы ЖРВИ-мен ауырады. Педагогтарға КВИ мен ЖРВИ жұқтыру қаупі бар. Алыс аумақтардағы шағын мектептерден басқа барлық мектепте 1-ден 11-сыныпқа дейін оқу жылын қашықтан бастауды ұсынамыз", - деді Аймағамбетов Үкімет отырысында.

Оның айтуынша, балалар баратын мектептерде түрлі сыныптар үшін әртүрлі уақытта өзгерістер енгізу жоспарланып отыр, ал бір кабинетте көп болса 10-15 адам отырады.

Бұған дейін Денсаулық сақтау министрі Алексей Цой оқу жылының бірінші тоқсанында орта білім беру ұйымдарының барлық сыныбы үшін қашықтан оқытуды қарастыруды ұсынған болатын.

Қазақстан жаңалықтары. Соңғы жаңалықтар. Telegram желісінде бізге жазыл!