Қазақстанда мектептерде хиджаб киюге тыйым салуға қатысты пікірлер айтылды

19 Қазан 2016, 12:11
5
Қазақстанда мектептерде хиджаб киюге тыйым салуға қатысты пікірлер айтылды - © Instagram
© Instagram

ҚР Білім және ғылым министрлігіндегілер мектептерде хиджаб киюге тыйым салатындарын мәлімдеді, - деп хабарлайды Tengrinews.kz тілшісі. Бұл мәселе жайлы мектептердегі бірыңғай формаға қатысты ережелерді талқылау барысында айтылды. Сондай-ақ, осы мәселеге қатысты Әділет министрлігінің және Дін істері және азаматтық қоғам министрлігінің өкілдері пікір білдірді.

"Діни мазмұндағы дүниелерді, киімдерді, бас киімдерді (хиджаб, бөрікшелер) киюге рұқсат жоқ және болған да емес", - деді БҒМ вице-министрі Эльмира Суханбердиева брифинг кезінде.

Сондай-ақ, Қазақстандағы Дін істері және азаматтық қоғам министрлігі мен ҚР Әділет министрлігінің ақпаратында былай делінген: мектептерде белгілі бір дінді насихаттауға жол жоқ.

"Осыған байланысты ҚР Білім және ғылым министрлігіндегілер 2016 жылдың 14 қаңтарындағы №26 бұйрыққа сәйкес, мектептерде бірыңғай форма жүйесін енгізген болатын. Соған орай мемлекеттік білім беру мекемелерінде заңға сәйкес белгіленген ережелерді сақтау қажет", - делінген хабарламада.

Ережеге сәйкес, мектеп формасына пенжек, жакет, шалбар, мерекелік жейде, күнделікті сабаққа киюге арналған жейде, белдемше және классикалық жейде жатады (ал қыста тоқылған көкірекше, сарафан киюге болады).

"Бекітілген бірыңғай мектеп формасы жайлы заң барлық ұлт өкілдеріне қатысты. Білім беру мекемелерінің әкімшілігі оқушылардан бірыңғай мектеп формасын киюді талап ете алады", - делінген БАҚ өкілдеріне арналған баспасөз релизінде.

Айта кетейік, осыған дейін қазақстандық оқушылардың ата-аналары кейбір мекемелерде бірыңғай мектеп формасындағы ереже бұзушылықтарға қатысты алаңдаушылық білдірген болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (5)
Оқылып жатыр
Талқыланып жатыр
Бүгін
Апта
Ай