+7 (777) 001 44 99
ПОДЕЛИТЬСЯ
Президент Қасым-Жомарт Тоқаевтың қолынан алғыс алған ресейлік блогер Иван Червинский Ресей төлқұжатынан бас тартып, Қазақстанға көшуге дайын. Бұл туралы ол Қазақстан халқы Ассамблеясының сессиясы кулуарында журналистерге айтты, - деп хабарлайды Tengrinews.kz тілшісі.
Президент Қасым-Жомарт Тоқаевтың қолынан алғыс алған ресейлік блогер Иван Червинский Ресей төлқұжатынан бас тартып, Қазақстанға көшуге дайын. Бұл туралы ол Қазақстан халқы Ассамблеясының сессиясы кулуарында журналистерге айтты, - деп хабарлайды Tengrinews.kz тілшісі.
Червинскийдің айтуынша, ол бірнеше жыл бұрын Димаш Құдайбергеннің шығармашылығы әсерінен елімізге қызығушылық танытқан. Содан бері Иван әлеуметтік желідегі көптеген оқырманына Димаш феномені, Қазақстанның мәдениеті, еліміздің басқа да таланттары және т.б. туралы айтып келеді. Сонымен қатар, блогер өзін қазақпын деп санайды және көшуді армандайды.
"Менің жаным қазақ сияқты. Қазақстаннан шыққан ата-бабаларым болған шығар. Әкем украин, шешем орыс. Мүмкін, түбімде түркі тамыры бар шығар, - деп сұраймын. Анам бар дейді", - деді Иван журналистерге.
Червинскийдің айтуынша, біздің елде қос азаматтыққа тыйым салынғандықтан, ол ресейлік төлқұжатынан бас тарту туралы шындап ойланып жүр.
"Мен Қазақстанның толыққанды азаматы болуды армандаймын. Бірақ дәл қазір мұны істеу туралы ойлап, Қазақстанда бес жыл тұру керек екенін білдім (азаматтық алу үшін. - еск.). Бірақ менің ойымша, егер қазақ болғың келсе, бес жыл мәселе емес", - деді ол.
Еске салайық, бүгін Қазақстан халқы Ассамблеясының сессиясынан кейін Мемлекет басшысы бейбітшілікті, халықтар арасындағы достық пен ынтымақтастықты нығайтуға сіңірген еңбегі үшін марапаттарды тапсырған болатын. Тоқаев басқалардың қатарында белгілі блогер "Алға Петербургті" де атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
