Қазақстандық туристер Анталиядан елге ұшып келе алмай отыр

27 Шілде 2017, 10:24
8
Қазақстандық туристер Анталиядан елге ұшып келе алмай отыр - © gtrk.tv
© gtrk.tv

Бірнеше қазақстандық турист Анталиядан елге ұшып келе алмай отыр. Бұл туралы Tengrinews.kz тілшісіне туристердің өзі хабарлады.

Туристердің айтуынша, олар Анталиядан Ыстамбұлға Түркияның Onur Air әуе компаниясы арқылы, ал Алматыға Air Astana әуе компаниясының 8Q225 рейсімен ұшып келуі тиіс болған. Қазіргі уақытта он қазақстандық турист Анталия әуежайында. Олар рейсті он сағаттан аса уақыт күтіп отыр.

Сондай-ақ, қазақстандықтардың айтуынша, әуе компанияның өкілдері олармен сөйлесуден бас тартып отыр. Олар өз бетінше Ыстамбұлға басқа рейспен кете берейін десе жүктерін қайтарып ала алмай отыр екен.

Ал Анталиядағы Қазақстан консулдығының өкілдері қазіргі уақытта шамамен 50 адамның Ыстамбұлға ұша алмай отырғанын хабарлады. Олардың 30-ы - қазақстандықтар. Рейс кешіктірілгендіктен 20 қазақстандық өз бетінше Ыстамбұлға ұшып кетсе, 10 адам әлі уақытқа дейін әуежайда рейсті күтіп отыр.

Анталиядағы ҚР консулы Бауыржан Әбдірахмановтың айтуынша, олар қазіргі уақытта осы мәселемен айналысып жатыр. Қазақстандықтар Анталиядағы мейманханаларға орналастырылады.

Сондай-ақ, консул қазақстандық туристерге ақшаларын қайтару үшін компания өкілдерімен сөйлесетіндерін айтып өтті.

Ал кейінірек барлық он қазақстандықтың мейманханаға орналастырылғаны хабарланды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (8)
Оқылып жатыр
Талқыланып жатыр
Бүгін
Апта
Ай