Қазақстандықтар Украинада әскери білім алуды жалғастыра бермек

03 Сәуір 2014, 13:25
0
Қазақстандықтар Украинада әскери білім алуды жалғастыра бермек - ©Vesti.ua
©Vesti.ua

Қазақстанның әскери қызметкерлері Украинаның жоғарғы әскери оқу орындарында оқуды жалғастыруға ниет білдірді деп хабарлайды Tengrinews.kz.

ҚР Қорғаныс министрлігінің Tengrinews.kz тілшісінің сұрағына қайтарған жауабында бүгінде Украинаның әскери оқу орындарында Қарулы күштеріміздің 26 қызметшісінің білім алып жатқаны айтылған: Киевтегі Украина қорғаныс ұлттық университетінде - 4 офицер-тыңдаушы, Житомир әскери институтында - 22 курсант.

25-30 наурыз аралығында ҚР Қорғаныс министрлігінің өкілі Украина қорғаныс министрлігінің аталған оқу орындарына жұмыс сапарымен барған. "Тұтас алғанда, офицер-тыңдаушылар мен курсанттардың моральдық-психологиялық жай-күйі жоғары деңгейде. ҚР Қарулы күштерінің әскери қызметшілері оқуды жалғастыруға ниет білдіріп отыр және олардың қауіпсіздігіне ешқандай нұқсан келіп тұрған жоқ. Аталған жоғарғы оқу орындарының жетекшілері олардың қауіпсіздігін қамтамасыз ету жөніндегі барлық шараларды қолға алған", - делінген министрліктің жауабында.

Айта кетейік, Украинада Қазақстан Қарулы күштеріне әскери мамандарды даярлау екі ел қорғаныс министрліктері арасында 1995 жылдың 21 қыркүйегінде жасалған әскери білім беру саласындағы ынтымақтастық туралы келісімге сәйкес іске асырылады.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай