Қазақстанның бірнеше облысында жолдар жабылды

21 Желтоқсан 2019, 12:10
0
Қазақстанның бірнеше облысында жолдар жабылды - Сурет: zarulim.com.ua
Сурет: zarulim.com.ua

Қазақстанның бірнеше облысында ауа райының нашарлауына байланысты жолдар жабылды, - деп хабарлайды Tengrinews.kz тілшісі. 

"Жамбыл облысында сағат 10.00-де қалың қар мен жаңбырдың салдарынан "Алматы-Ташкент - Термез" автомобиль жолының 160-238 шақырымында Отар және Қайнар ауылдарының арасында көліктің барлық түрі үшін қозғалыс шектелді", - деп хабарлады "ҚазАвтоЖол" баспасөз қызметінің жетекшісі Маржан Ордабай.

Шығыс Қазақстан облысы Төтенше жағдайлар департаменті ауа райының қолайсыздығына байланысты барлық бағытта жолдар жабылғанын және балалар бүгін оқуға бармайтынын хабарлады.

"21 желтоқсанда ескерту жарияланды. Облыста қар жауып, боран соғады, көктайғақ болады және желдің екпіні секундына 25 метрге дейін жетеді. Түнде және таңертең бірінен кейін бірі республикалық және облыстық маңызы бар жолдар барлық бағыт бойынша жауып тасталды. Сондай-ақ, Өскемен мен Семейде қатты желден оқушылар үшін сабақ тоқтатылды", - делінген облыстық ТЖ департаментінің хабарламасында.

Тұрғындарға елді мекендерден тыс жерге шықпауға және трассаның жағдайын қадағалап отыруға кеңес беріледі. 

Жолдарды жабу және ашу туралы ақпаратты: Республикалық маңызы бар жол болса (8 7232) 26-28-08 нөмірі бойынша, облыстық - 57-42-52, сондай-ақ ШҚО ТЖД сайтында "шұғыл ақпарат" бөлімінен білуге болады. Төтенше жағдайға тап болсаңыз "112" құтқару қызметінің бірыңғай нөміріне қоңырау шалыңыз.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай