ҚР ТЖМ "Қазселденқорғау" ММ мамандары Алматыдағы лай көшкінінің себебін түсіндірді, - деп хабарлайды Tengrinews.kz тілшісі.
Мамандардың айтуынша, лай көшкінінің болжамды көлемі шамамен 3200 текше метр.
"2024 жылы 8 ақпанда түнгі 02:20-да тау баурайының ортаңғы бөлігінде төселген су құбырының үзілуі салдарынан топырақтың батпақтанып, одан кейін Алматы қаласы Медеу ауданы Тау-Самал шағынауданы Олимпия көшесіндегі № 3а және №3 тұрғын үй жеке үйлерін басып қалды", - делінген хабарламада.
Таудың баурайы сары топырақты саздақтардан тұрады, бұл учаскедегі көлбеу тіктігі шамамен 45-50 градус.
"Жылжыма Олимпийская көшесіндегі № 3а шаруашылық құрылыстары бар тұрғын үйді қиратып, жақын жерде орналасқан №3 тұрғын үй ішінара зақымданды", - деп толықтырды "Қазселденқорғау" ММ.
Естеріңізге сала кетейік, бүгін түнде Алматыдағы лай көшкінінен 4 адамнан тұратын отбасы зардап шекті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
