Келесі жылы тағы екі ақылы автобан ашылады

24 Маусым 2014, 16:37
0
Келесі жылы тағы екі ақылы автобан ашылады - ©Mtc.gov.kz
©Mtc.gov.kz

Келесі жылдан бастап Қазақстанның тағы екі тас жолында ақылы жүйе енгізілетін болады, - деп хабарлайды Tengrinews.kz тілшісі ҚР Көлік және коммуникациялар министрі Жеңіс Қасымбекке сілтеме жасап. 

Оның сөзіне қарағанда, бүгінде жол құрылысы саласындағы маңызды жобалардың бірі - "Батыс Еуропа - Батыс Қытай". Биыл Шымкенттен бастап Ресеймен арадағы шекараға дейінгі жол ашылады. Ал келесі жылда "Батыс Еуропа - Батыс Қытай" тас жолы толығымен іске қосылады. "Сондай-ақ Үкіметтің бүгінгі отырысында ел ішіндегі республикалық маңызы бар жолдарда ақылы жүйені енгізу мәселесі қаралған болатын. Өткен жылы ақылы  Астана - Щучинск тас жолы ашылса, келесі жылдан бастап Қызылорда - Шымкент пен Астана - Атбасар жолдарында ақылы жүйе енгізіледі", - деп атап көрсетті Қасымбек бүгін Орталық коммуникациялар қызметінде өткен брифингте.   

Министрдің айтуынша, Қазақстандағы ақылы жолдардың саны осымен шектелмейді. "Біз үшін жаңадан салынып жатқан жолдардың сапасын сақтап қалу - басты мәселе. Ал ақылы жүйені енгізудің негізгі талабы - көлік қозғалысының тығыздығы. Сондықтан Астана -Теміртау, Алматы - Қапшағай, сондай-ақ Павлодарға баратын жолдар ақылы болады. Оны мен нақты айта аламын. Себебі аталған жолдардың сапасын сақтау үшін біраз қаражат қажет", - дейді Қасымбек.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай