28 қарашада Қазақстанға шетелден келген жолаушылардан коронавирус анықталған жоқ, - деп хабарлайды Tengrinews.kz тілшісі Санитариялық-эпидемиологиялық бақылау комитетіне сілтеме жасап.
2020 жылдың 28 қарашасында Қазақстан Республикасының аумағына Германия, Египет, БАӘ, Ресей Федерациясы, Түркия, Беларусь Республикасы және Өзбекстаннан 12 халықаралық әуе рейсі келді.
Қазақстандық 1 337 әуе жолаушысының ішінде ПТР-тестілеудің теріс нәтижесі бар анықтамамен 1 244 адам, анықтамасыз 93 адам келді.
Оның ішінде:
Алматы қаласының әуежайына - 7 рейс, 820 жолаушы, анықтамамен - 813, анықтамасыз - 7.
Нұр-Сұлтан қаласының әуежайына - 4 рейс, 448 жолаушы, анықтамамен - 387, анықтамасыз - 61;
Ақтөбе қаласының әуежайына - 1 рейс, 69 жолаушы, анықтамамен - 44, анықтамасыз – 25.
"Анықтамасы жоқ қазақстандықтар келген жері бойынша карантиндік стационарларға орналастырылды және ПТР-талдау әдісімен COVID-19-ға тестіленді. Барлық 93 адамның тест сынамасы теріс нәтиже көрсетті", - делінген хабарламада.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!