17 маусым 2020 09:41

"Костюмді скотчтап киеміз" - алматылық дәрігерлер қорғаныш құралдары жетіспейтініне шағымданды

ПОДЕЛИТЬСЯ

Желіде қорғаныш құралдары жетіспейтінін айтып, шағымданған алматылық жедел-жәрдем қызметкерлерінің видеосы пайда болды, - деп хабарлайды Tengrinews.kz тілшісі.


Желіде қорғаныш құралдары жетіспейтінін айтып, шағымданған алматылық жедел-жәрдем қызметкерлерінің видеосы пайда болды, - деп хабарлайды Tengrinews.kz тілшісі.

Видео kris_p_almaty парақшасында пайда болған. Медицина қызметкерлері маскалар мен қорғаныш киімдері жетіспейтінін айтып, шағымданған. 

"Бізде костюмдер жетіспейді. Не істейміз? Бұл ұят қой. Костюмдерді скотчтап киеміз. Жағдай жасалсын", - дейді әйел адам. 

Тағы бір қызметкердің айтуынша, олар бір реттік масканы бірнеше рет тағуға мәжбүр. 

Посмотреть эту публикацию в Instagram

Публикация от @kris_p_almaty +21 | kz ?? (@kris_p_almaty)

Видеоға Алматы қаласы Қоғамдық денсаулық сақтау басқармасы түсінік берді. 

"Жеке қорғаныш заттарының жетіспеуіне байланысты, ең алдымен жедел-жәрдем қызметкерлері қамтамасыз етіледі, себебі олар тікелей КВИ жұқтыру қаупі тобына жатады. Қорғаныш құралдары жеткілікті мөлшерде. 16 маусымдағы жағдай бойынша, жедел-жәрдем қызметінде 18 329 бір реттік маска мен 1371 қорғаныш костюмі, 432 респиратор, 266 494 медициналық маска мен 6081 қолғап бар", - дейді басқарма өкілдері.  

Ведомство өкілдері видео медицина қызметкерлері қосымша еңбекақы төлеу мәселесін көтерген кезде түсірілгенін айтады. 

"Мамырда жедел-жәрдем қызметкерлері 2525 қоңырау: оның ішінде, ЖРВИ, пневмония, бронхит және басқа да жағдайлар бойынша қызмет көрсетті. Үстемақы бұйрыққа және ережеге сәйкес, олардың нақты істеген күні мен уақытына қарай төленді. Яғни, қызметкерлердің үстемақысы бойынша табельдерде коронавирустық инфекцияны болуы мүмкін және басқа да жағдай бойынша шақыруға шыққан күндер көрсетілген және есептелген. Үстемақы төлеу берілген табельдерге сәйкес толық көлемде жүргізілді", - дейді ведомство өкілдері. 

Қазақстан жаңалықтары. Соңғы жаңалықтар. Telegram желісінде бізге жазыл! 

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети