+7 (777) 001 44 99
Қазақша
Русский
English
Қазақша
Русский
English
ҚР СІМ Ригада отандастарының отбасын кепілге алған қазақстандықтар туралы оқиғаға түсінік берді, - деп хабарлайды Tengrinews.kz тілшісі.
"Ригадағы ҚР азаматтарының қатысуымен болған оқиға бір ай бұрын болған. Қақтығыс жеке мәнде болған, біздің консул жергілікті полициямен байланыста", - деп жазды ҚР СІМ ресми өкілі және ерекше тапсырмалар жөніндегі елші Алтай Әбибуллаев Twitter желісіндегі парақшасында.
Еске салайық, осыған дейін наурыз айының басында Қазақстан азаматтарының өз отандастарының отбасын кепілге алғаны жайлы хабарланған болатын. Кепілге алынғандардың ішінде әкесі, шешесі және олардың екі баласы - 8 жастағы қыз бен алты жасар ұл бала болған. Қылмыскерлер ұстап отырған әйелден Алматыдағы 400 мың долларға бағаланған жылжымайтын мүлкін басқа біреудің атына жазуды талап еткен.
Полиция нақты мекен-жайды анықтаған кезде кепілге алынғандарды босату бойынша операция өткізу туралы шешім қабылданған. Тәртіп сақшылары мен арнайы қызмет жауынгерлері күдіктілер тобын ұстады. Кейін олардың да Қазақстан азаматтары екені анықталды. Тәртіп сақшыларының үйге басып кіру кезінде пәтерде кепілге алынғандар мен ұйымдасқан қылмыстық топтың екі мүшесі болған: Қазақстан азаматтары 1985 және 1990 жылдары туылғандар. Күдіктілер оқиға орнында ұсталды, ал олардың сыбайластары: 1966 және 1968 жылғы азаматтар кейінірек ұсталды. Қазіргі уақытта ұсталғандар қамауда отыр. Тергеу жалғасып жатыр.
