Қырғызстанмен шекарада не болып жатыр?

11 Қазан 2017, 11:08
3
Қырғызстанмен шекарада не болып жатыр? - © РИА Новости
© РИА Новости

Қырғызстанның шекара қызметіндегілер Қазақстан шекарасындағы жағдайға қатысты түсінік берді, - деп хабарлайды Tengrinews.kz тілшісі. Айта кетейік, кеше кешкі уақыттан бері шекарада көліктер кезекте тұрып қалған болатын.

Қырғызстанның Мемлекеттік шекара қызметінің мәліметінше, 10 қазанда сағат 18.00-ден бері Қырғызстан-Қазақстан мемлекеттік шекарасында жолаушылар мен көлік құралдарын өткізу ережесі күшейтілді.

"Қырғыз Республикасында президент сайлауына дайындық және сайлаудың өтуіне байланысты Қырғызстанның Мемлекеттік шекара қызметі күшейтілген режимге өтті", - деп хабарлады ведомстводағылар.

Сондай-ақ, Қырғызстан тарапынан шекара бақылауына ешқандай шектеу қойылмағаны айтылады.

"Қырғыз Республикасының Мемлекеттік шекара қызметі уақытша ыңғайсыздықтарға түсіністікпен қарауды сұрайды ", - деді Қырғыз Республикасы Мемлекеттік шекара қызметінің қоғаммен және БАҚ-пен байланыс бөліміндегілер.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (3)
Оқылып жатыр
Талқыланып жатыр
Бүгін
Апта
Ай