+7 (777) 001 44 99
ПОДЕЛИТЬСЯ
Соңғы тіркелген КВИ жағдайлары бойынша ақпарат жарияланды, - деп хабарлайды Tengrinews.kz тілшісі жедел штабқа сілтеме жасап.
Соңғы тіркелген КВИ жағдайлары бойынша ақпарат жарияланды, - деп хабарлайды Tengrinews.kz тілшісі жедел штабқа сілтеме жасап.
Жамбыл облысында бүгін 2 жағдай тіркелді. Бірінші жағдай Қордай ауданынан анықталды. Жүргізуші, Павлодар тұрғыны Қырғызстаннан Алматыға бара жатқан. Мемлекеттік шекарадан өтерде "Қарасу" бекетінде алынған талдау оң нәтиже көрсетті.
Екінші жағдай Тараз қаласында анықталды. Қала тұрғыны ЖРВИ диагнозымен провизорлық стационарға жатқызылды.
Атырау облысында 3 жағдай тіркелді. Біріншісінде 36 жастағы жергілікті тұрғын жүрек-қантамыр ауруымен облыстық кардиоорталыққа жеткізілді. Тексерілгеннен кейін науқаста пневмония анықталды. Алгоритмге сәйкес изоляторға орналастырылды, одан кейін инфекциялық стационарға жатқызылды.
Кардиоорталықта тексерген медқызметкерлер бірінші үлгідегі қорғаныш костюмдерінде болған.
Тағы екі науқас туберкулез диспансерінің провизорлық стационарынан жеткізілді. Бұл 1996 және 1997 жылы туған ер адамдар. Олардың жағдайы - тұрақты, инфекциялық стационарға жатқызылды.
Қазақстан жаңалықтары. Соңғы жаңалықтар. Telegram желісінде бізге жазыл!
