ҚМА Қызылорда облысы бойынша департаменті Qnet қаржы пирамидасымен айналысқан 3 күдіктіні қамауға алды, - деп хабарлайды Tengrinews.kz тілшісі ҚМА мәліметіне сілтеме жасап.
Күдіктілер Қызылорда қаласының аумағында Qnet компаниясының құрылымдық бөлімшесін ұйымдастырған азаматтар желілік маркетинг және электрондық коммерция деген желеумен Қызылорда қаласының 35 тұрғынынан 2019-2022 жылы 44 миллион теңгеге жуық көлемде ақша қаражаттарын тартқан.
"Тергеу барысында жәбірленушілердің компанияға 840 мыңнан 1 миллион 200 мың теңге көлемінде қаржы салғаны анықталды. Сот санкциясы негізінде үш күдікті қамауға алынды. Соталды тергеу жұмыстары жүргізіліп жатыр", - делінген хабарламада.
ҚР ҚПК 201-бабына сәйкес басқа ақпарат жарияланылмайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!