+7 (777) 001 44 99
ПОДЕЛИТЬСЯ
ІІМ-де әр жылдары Ішкі істер органдарында қызмет атқарған, өмірін аса жауапты іске - азаматтардың құқықтары мен заңды мүдделерін қорғауға, қоғамдық тәртіптің сақталуын қамтамасыз етуге, қылмысқа қарсы күреске арнаған ведомство қайраткерлерімен кездесу өтті, - деп хабарлайды Tengrinews.kz тілшісі Polisia.kz-ке сілтеме жасап.
ІІМ-де әр жылдары Ішкі істер органдарында қызмет атқарған, өмірін аса жауапты іске - азаматтардың құқықтары мен заңды мүдделерін қорғауға, қоғамдық тәртіптің сақталуын қамтамасыз етуге, қылмысқа қарсы күреске арнаған ведомство қайраткерлерімен кездесу өтті, - деп хабарлайды Tengrinews.kz тілшісі Polisia.kz-ке сілтеме жасап.
Іс-шараның мақсаты - аға буынға құрмет көрсету, тәжірибе алмасу, полиция қызметіне қатысты мәселелерді талқылау. Ең бастысы - тәлімгерлер кеңесін құру.
"Сіздер тәуелсіздік таңында қылмыспен күресіп, өз кәсіби шеберліктеріңізбен азаматтардың конституциялық құқықтары мен бостандықтарын қорғаудың берік негізін қаладыңыздар. Қазіргі қызметкерлер мен болашақ басшылар үшін жұмысты жетілдіру бойынша кеңестеріңіз маңызды. Мұндай кездесулерді біз дәстүрге айналдыруды жоспарлап отырмыз", - деді ішкі істер министрі Ержан Саденов.
Қонақтарға елдегі қылмыстық ахуал туралы айтылып, полицейлердің күнделікті жұмысында қолданылатын цифрлық шешімдер көрсетілді. Олар - бейнебақылау жүйесі, жаңа бейнежетондар, дабыл түймелері, "102" мобильді қосымшасы және жол жүрісі қағидаларын бұзушыларды анықтауға көмектесетін "Қорғау" бағдарламасы. Ішкі істер органдарының еңбек сіңірген қызметкерлеріне ішкі кадрлық процестерді оңтайландыру жұмысы, Ұлттық ұланның әскери және арнайы техникасы таныстырылды. Аға буынның бай өмірлік тәжірибесі мен терең білімі жас офицерлерге шеберліктерін шыңдауға, қызметтің маңыздылығын түсінуге және айналадағыларға құрметпен қарауды үйренуге көмектеседі.
"Қызығы мен қиындығы қатар жүретін қызмет… Қателескен әріптесті демеп, оған көмектесу керек. Ал қаскөйлерді бұл қатардан аластату қажет. Біз сіздерге әрдайым қол ұшын созуға дайынбыз", - деді Халық қаһарманы Қайырбек Сүлейменов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
