Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Мақсат Үсеновтің әкесінің қамауға алынғанын жемқорлыққа қарсы ведомство растады

11 Маусым 2015, 18:19
0
© Tengrinews.kz
© Tengrinews.kz

"Астана ЭКСПО-2017" ҰК АҚ құрылыс департаментінің экс-басшысы Қажымұрат Үсеновтің ұсталғанын ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Ішпекбаев растады, - деп хабарлайды Tengrinews.kz тілшісі.

Тілшілердің "Қажымұрат Үсенов қамауға алынды ма?" деген сұрағына ол: "Ия, қамауға алынды", - деп жауап берді.

"Тергеу амалдары жүргізіліп жатыр, толығырақ айта алмаймын. Мәселе ақшаға байланысты", - деді Ішпекбаев Жемқорлыққа қарсы іс-қимыл жөніндегі республикалық қоғамдық кеңес отырысының алдында.

Отырыстан кейін Ішпекбаев белгісіз себептермен айтқандарын теріске шығара бастады. "(...) Әзірше мемлекеттік қаржылардың жұмсалуын тексеру жұмыстары жүріп жатыр. Тек тексеру жұмыстары жүргізіліп жатыр. Әзірше ешкім қамауға алынған жоқ. Тексеріс жүргізіліп жатыр", - деді ол ақпарат құралдары өкілдеріне.

Айта кетейік, тілшілерде Ішпекбаевтің Үсеновтің қамауға алынғаны туралы айтқаны түсірілген видеолар мен дыбыс жазбалары бар. 

"Астана ЭКСПО-2017" ҰК АҚ баспасөз қызметі басшысы Айгүл Мүкейдің айтуынша, Үсенов қызметтен кеткеннен кейін компания кеңесшісі қызметін атқармаған.

"Қажымұрат Үсенов "Астана ЭКСПО-2017" ҰК АҚ компаниясында жұмыс істемейді. Өз қалауымен 2014 жылдың 31 қаңтарында қызметтен кетті", - деді ол.

Айта кетейік, ақпарат құралдарында Үсеновтің қамауға алынғаны туралы ақпарат пайда болған еді.

Еске сала кетейік, 2013 жылы Қажымұрат Үсеновтің ұлы, 24 жастағы Мақсат Үсенов "Целинный" кинотеатрының маңындағы жаяу жүргінші жолынан алты бірдей адамды қағып кеткен. Бір жаяу жүргінші оқиға орнында қайтыс болған. Мақсат Үсенов қамауға алынып еді. Бірақ кейіннен тараптардың татуласуына орай қылмыстық іс тоқтатылып, ол қамаудан босатылған болатын.

Мақсат Үсенов Алматы қаласында 2014 жылы 15 қарашасында Mercedes автокөлігімен қарсы бағытқа шығып кетіп, Toyota RAV4 көлігімен соқтығысты, рульде 38 жастағы әйел адам болған. Ол басынан жарақат алды. Аталған факт бойынша медициналық сараптама жүргізілді. Ал Мақсат Үсенов жол-көлік оқиғасы орнында болғанын жасырғысы келді. Ол жолаушы орнына ауысып, сотта көлікті басқарған басқа адам болатын, деп мәлімдеді.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай