1. Басты
  2. Біл
  3. Жаңалықтар
  4. Ел жаңалықтары

Мәскеуде қарттар үйінен өрт шығып, 4 адам қаза тапты

Фото: russian.rt.com Фото: russian.rt.com

Мәскеу қаласында қарттар үйінен өрт шығып, 4 адам қаза тапты, - деп хабарлайды РИА Новости.

Қайғылы оқиға 9 сәуірге қараған түні Мәскеудің батысында орналасқан "Третий возраст" қарттар үйінде болған. 

Ресейдің төтенше жағдайлар министрлігінің мәліметі бойынша, өрт туралы хабар Нұр-Сұлтан уақытымен түнгі сағат 00.24-те түскен. Өрт сағат 01.20-де сөндірілді.

"Өрт сөндіру барысында шамамен 50 адам құтқарылды. Оларды медицина қызметкерлері тексеріп жатыр. Өкінішке қарай, 4 адам қаза тапты", - делінген хабарламада. 

Мәскеу мэрінің әлеуметтік даму жөніндегі орынбасары Анастасия Ракова қарттар үйіндегі адамдарға тиісті көмек көрсетіліп, олардың басқа мекемеге орналастырылатынын айтты.