Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Мемлекет меншігіне тағы бірнеше кәсіпорын қайтарылады - Үкімет 20 сәуір 2022, 15:33

Мемлекеттік меншікке тағы бірнеше кәсіпорын қайтарылады. Қазақстан Үкіметі республикалық меншіктің кейбір мәселелері туралы қаулы қабылдады,
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Мемлекеттік меншікке тағы бірнеше кәсіпорын қайтарылады. Қазақстан Үкіметі республикалық меншіктің кейбір мәселелері туралы қаулы қабылдады, - деп хабарлайды Tengrinews.kz тілшісі Primeminister.kz сайтына сілтеме жасап.

"Көліктік сервис орталығы" акционерлік қоғамының (КСО) акциялары пакетінің 100 пайызын сыйға тарту шарты бойынша республикалық меншікке беру туралы "Темір Триумф" ЖШС-нің ұсынысы қабылдансын", - делінген Қаулы мәтінінде.

"КСО" АҚ Қазақстандағы 400-ден астам теміржол кірме жолдарының теңгерім ұстаушысы.

Сондай-ақ, сыйға тарту шарты бойынша "Integrity Solutions" ЖШС ақпараттық-коммуникациялық салада қызмет көрсететін "Soft Art" ЖШС жарғылық капиталындағы қатысу үлесінің 50 пайызын республикалық меншікке беретіні айтылған.

Қаулыға сәйкес, "Bridge capital investments limited" жеке компаниясы мемлекетке тау-кен және өңдеу өнеркәсібі салаларында жұмыс істейтін "Акмолит" ЖШС, "Мархит" ЖШС, "Топаз-НС" ЖШС жарғылық капиталдарындағы қатысу үлестерінің 100 пайызын береді.

"КСО" АҚ акциялары және аталған серіктестіктердің жарғылық капиталдарындағы қатысу үлестері "Самұрық-Қазына" ұлттық әл-ауқат қоры" акционерлік қоғамының орналастырылатын акцияларына төлеуге беріледі, делінген қаулыда.

Қаулы қол қойылған күннен бастап қолданысқа енгізіледі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram