Министр Шудағы пойыз апатының негізгі себебін атады

26 Маусым 2018, 12:24
1
Министр Шудағы пойыз апатының негізгі себебін атады - Куәгерлер жолдаған сурет
Куәгерлер жолдаған сурет

Инвестициялар және даму министрі Жеңіс Қасымбек Жамбыл облысындағы пойыз апатына қатысты тергеуге пікір білдірді, - деп хабарлайды Tengrinews.kz тілшісі.

Үкімет отырысынан кейін журналистер министрден пойыз апатының нақты себебі анықталды ма, жоқ па - соны сұрап білді.

"Пойыздың қарсы жолақта келе жатқан пойызбен соғысқаны жайлы нұсқа бүгінде жоққа шығарылды. Басты себеп - жолдың жағдайы. Жолдың сапасы себеп болып отыр. Соңғы рет көктемде жүргізілген жөндеу жұмыстарынан кейінгі жолдың сапасы себеп болып тұр", - деді Жеңіс Қасымбек

"Сонда кім кінәлі?", - деп сұрады журналистер министрден.

"Мен сіздерге 20-рет айтып тұрмын, кімнің кінәлі екенін комиссия шешеді", - деді Қасымбек.

"Күннің ыстық болуына байланысты рельстер кеңейіп кетуі мүмкін деген нұсқа бар", - деп тағы сұрады БАҚ өкілдері мигнистрден.

"Бұл физика, ауа температурасы өзгеруіне байланысты осындай жағдайлар болады. Мұндай жағдайларды бақылауы тиіс арнайы қызметтер бар", - деп қорытындылады сөзін Жеңіс Қасымбек.

Еске салайық,17 маусымда сағат шамамен 14.00-де Жамбыл облысындағы Отар мен Шу станцияларының арасында төтенше жағдай болған еді. Мұның алдында үш вагонның рельстен шығып кеткені хабарланған болатын.

Кейінірек қаза болған жасөспірім мен зардап шеккендердің тізімі жарияланған еді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай