Министрлік өкілдері Тәуелсіздіктің 25 жылдығына байланысты жасалатын төлемдерді түсіндірді

13 Желтоқсан 2016, 15:10
0
Министрлік өкілдері Тәуелсіздіктің 25 жылдығына байланысты жасалатын төлемдерді түсіндірді -

Денсаулық сақтау және әлеуметтік даму министрлігінің өкілдері Қазақстан Тәуелсіздігінің 25 жылдығына жасалатын төлемдер туралы айтып берді, - деп хабарлайды Tengrinews.kz тілшісі. Мұның алдында Алматы мен Астанада Тәуелсіздік күніне отбасылық жағдайы төмен отбасылар, бюджеттік және әлеуметтік сала қызметкерлеріне бір реттік әлеуметтік көмек алатынын хабарлаған болатын. 

ҚР ДСӘД министрлігінің өкілдері мұны жергілікті басқару органдары жекелей шешетін мәселе екендігін айтады. Барлығы қаржылық мүмкіндіктерге байланысты. 

"Республикалық бюджетте ҚР Тәуелсіздігінің 25 жылдығына қандай да бір сыйақы төлеуге қаражат қарастырылмаған. Яғни, мұндай төлемдер жергілікті бюджеттің мүмкіндігіне қарай жергілікті атқару органдарының шешімімен жүргізіледі. Немесе нақты қызметкеріне қатысты жұмыс берушінің шешімімен жүргізіледі", - деп мәлімдеді ҚР Денсаулық сақтау және әлеуметтік даму министрлігінің баспасөз қызметінің өкілдері. 

Қосымша ақпарат алу үшін қазақстандықтар тұрғылықты (тіркелген) орындары бойынша әкімдіктерге хабарласа алады. 

Мұның алдында жергілікті бюджет есебінен Алматыда Тәуелсіздіктің 25 жылдығына әлеуметтік осал санаттағы тұрғындар мен бюджеттік және әлеуметтік сала қызметкерлеріне сыйақы әлеуметтік көмек ретінде бір реттік қаржы төленетіні хабарланған. 

Сонымен қатар, Тәуелсіздік күніне 1986 желтоқсан оқиғасына қатысушыларға қатысты Астанада 70 мың теңге, ал Алматыда 50 мың теңге төлеу жоспарланған. 

Сонымен қатар, Тәуелсіздіктің 25 жылдығына Оңтүстік Қазақстан, Батыс Қазақстан және Шығыс Қазақстан облыстарында, Солтүстік Қазақстан облысында (бизнесмендер есебінен) жеңілдік қарастырылған азаматтарға төлем жаслатыны хабарланды. Алматы, Қостанай және Павлодар облыстарында төлем қарастырылмаған. Басқа облыстар бойынша шешім шыққан жоқ.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай