+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстан Президенті Нұрсұлтан Назарбаев Америка Құрама Штаттарының вице-президенті Майкл Пенспен кездесті, - деп хабарлайды Tengrinews.kz тілшісі Ақордаға сілтеме жасап.
Қазақстан Президенті Нұрсұлтан Назарбаев Америка Құрама Штаттарының вице-президенті Майкл Пенспен кездесті, - деп хабарлайды Tengrinews.kz тілшісі Ақордаға сілтеме жасап.
Кездесуде тараптар екіжақты ынтымақтастықтың мейлінше өзекті мәселелерін талқылады. Әңгімелесу барысында Нұрсұлтан Назарбаев пен Майкл Пенс Қазақстан мен АҚШ арасындағы саяси және экономикалық қарым-қатынастарды нығайтып, одан әрі кеңейте түсудің маңыздылығын атап өтті.
© Ақорданың баспасөз қызметі
Сондай-ақ, Мемлекет басшысы "Nasdaq" компаниясының президенті Адина Фридманмен, "Goldman Sachs" компаниясының президенті Харви Шварцпен және "ExxonMobil" компаниясының бас атқарушы директоры Даррен Вудспен кездесті. Сонымен қатар, Нұрсұлтан Назарбаев "Астана" халықаралық қаржы орталығы Американың "Nasdaq" биржасымен және Шанхай қор биржасымен ынтымақтастық орнатқанын атап өтті.
© Ақорда/"Nasdaq" компаниясының президенті Адина Фридманмен
© Ақорда/"Goldman Sachs" компаниясының президенті Харви Шварцпен
© Ақорда/"ExxonMobil" компаниясының бас атқарушы директоры Даррен Вудспен
Вашингтонда Назарбаевты қалай қарсы алды?
Еске сала кетейік, Нұрсұлтан Назарбаев АҚШ-қа ресми сапармен 16 қаңтарда барған болатын.
Қазақстан Президенті АҚШ-тың ресми өкілдерімен кездесу өткізеді деп жоспарланған. Сондай-ақ, Назарбаевтың 18 қаңтарға белгіленген БҰҰ Қауіпсіздік кеңесінің қару қолдануды жаппай жоюға арналған брифингке қатысатыны айтылады.
Сондай-ақ, осыған дейін саясаттанушы Ерлан Қарин Назарбаев пен Трамп кездесуінің маңыздылығын айтқан еді. "Иә, Қазақстан өңірлік мемлекет болып саналады, дегенмен де Қазақстан түрлі халықаралық пікірталастарға белсенді түрде қатысып жатыр. Сондықтан да біздің президентіміздің Америка басшысымен кездесуі осы мәселенің өзектілігін арттыруға мүмкіндік береді", - деген еді Ерлан Қарин.
