Назарбаев Алматыдағы медицина орталығына барды

06 Мамыр 2018, 14:59
0
Назарбаев Алматыдағы медицина орталығына барды -

Елбасы Алматыдағы "Керуен-Medicus" медицина орталығына барды, - деп хабарлайды Tengrinews.kz тілшісі Ақордаға сілтеме жасап. 

Мемлекет басшысы медицина орталығының қызметімен танысып, клиника ұжымымен әңгімелесті.

"Дәрігер емделушіге қамқорлықпен қарап, әсіресе, аналарды босандырғанда өзінің мейірімін дарыта білуі қажет. Бүкіл Қазақстан бойынша заманауи құралдармен жабдықталған көптеген медициналық орталықтар салынды. Дәрігер - ең ұлы мамандық екенін әрдайым есте сақтаңыздар. Сіздерге табыс тілеймін!", - деді Қазақстан Президенті.

Сондай-ақ, Нұрсұлтан Назарбаевқа медицина техникаларын өндіруші Siemens, Karl Storz, General Electric, Drager, Hamilton және басқа да жетекші компаниялар ұсынған қазіргі заманғы құрал-жабдықтар көрсетілді.   

Айта кетейік, "Керуен-Medicus" жаңа ғимараты 2017 жылы салынды. Оның жалпы көлемі - 10 мың шаршы метр. Клиникада нақты уақыт режімінде 3D-форматындағы күрделі операциялар жасалады. Медициналық орталық Кореяның Severance Hospital, Германияның Freiburg University Klinik, Сеул ұлттық университетінің Бундан клиникаларымен, сондай-ақ Еуропаның жетекші клиникаларының өкілі - Puls Global компаниясымен кадр даярлау жөнінде ынтымақтастық орнатқан.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай