Қазақстанның Тұңғыш Президенті Нұрсұлтан Назарбаев АҚШ-тың президенті болып сайланған Джозеф Байденді құттықтады, - деп хабарлайды Tengrinews.kz тілшісі Елбасы сайтына сілтеме жасап.
Елбасы Джо Байденмен 2010 жылғы Ядролық қауіпсіздік саммиті аясында Вашингтонда өткен кездесуін, сондай-ақ телефон арқылы сөйлескендерін жылы еске алғанын атап өтті.
Ол Қазақстан мен АҚШ арасындағы кеңейтілген стратегиялық ынтымақтастық екі мемлекеттің халқы үшін нығая түсетініне сенім білдірді.
Сондай-ақ Нұрсұлтан Назарбаев құттықтау жеделхатында Джо Байденге мемлекеттік қызметте табыс тіледі.
Еске салайық, бұған дейін Мемлекет басшысы Қасым-Жомарт Тоқаев та Джо Байденді құттықтады.
ОБСУЖДАЕТСЯ СЕЙЧАС
Қазақстан жаңалықтары. Соңғы жаңалықтар. Telegram желісінде бізге жазыл!
