1. Басты
  2. Біл
  3. Жаңалықтар
  4. Ел жаңалықтары

Назарбаев Бразилияның жаңа президентін құттықтады30 қазан 2018, 11:10

Фотоколлаж © REUTERS, Tengrinews.kz Фотоколлаж © REUTERS, Tengrinews.kz

Нұрсұлтан Назарбаев Жаир Мессиас Болсонаруға Бразилия федеративтік республикасының президенті лауазымына сайлануына байланысты құттықтау жеделхатын жолдады, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
 
Мемлекет басшысы Қазақстан халқының және жеке өзінің атынан Жаир Мессиас Болсонаруды Бразилия федеративтік республикасының президенті лауазымына сайлануымен құттықтады. 

"Қазақстан мен Бразилия арасындағы ынтымақтастық халықтарымыздың жарқын болашағы үшін одан әрі дами түсетініне кәміл сенемін. Сізге зор денсаулық және жауапты қызметіңізге мол табыс, ал достас Бразилия халқына бейбіт өмір мен бақ-береке тілеймін", - делінген жеделхатта.

Айта кетейік, жаңа президент 2019 жылдың 1 қаңтарынан бастап қызметіне кіріседі.