1. Басты
  2. Біл
  3. Жаңалықтар
  4. Ел жаңалықтары

Назарбаев: Жекеменшікті тартып алуға ешкімнің құқы жоқ

Нұрсұлтан Назарбаев. ©REUTERS Нұрсұлтан Назарбаев. ©REUTERS

Қазақстан жекеменшіктің мызғымастығын нақты мәлімдеуі керек, бұл туралы Нұрсұлтан Назарбаев Ұлттық инвесторлар кеңесінің отырысында айтты, - деп хабарлайды Tengrinews.kz тілшісі. 

"Кез келген нарықтық экономикадағы сияқты Қазақстан да жекеменшіктің мызғымастығы жайында нақты мәлімдеуі тиіс. Ешкімнің жекеменшікті тартып алуға құқы жоқ. Мен бұл туралы қанша рет айттым, біздің құқық қорғау органдары көпіршіте беріп отыр, өйткені оларға жекеменшікті тартып алу пайдалы", - деді Президент.

"Егер ол заң бойынша жасаса, заңның кері күші жоқ, заңмен табылған дүние қалуы керек, адамдар осыны білуі тиіс. Бұны білу шетелдік инвесторларға да өте маңызды. Біз нарықтық экономикада, капитализмде тұрмыз. Неден ұяламыз? Енді Қазақстан экономикасында да - осындай жүйе. Демек, осы тәртіппен өмір сүріп, сондай заңдар қабылдауға тиіспіз", - деді Елбасы Кәсіпкерлердің ұлттық палатасының басшысына қаратып.