Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Назарбаев Сенегал президентімен кездесті

20 Мамыр 2016, 13:54
0
© Ақорда
© Ақорда

Назарбаев Қазақстанға ресми сапармен келген Сенегал Республикасының Президенті Маки Саллмен кездесті, - деп хабарлайды Tengrinews.kz тілшісі Ақордаға сілтеме жасап.

Мемлекеттер басшылары кездесу барысында саяси, экономикалық және мәдени-гуманитарлық салалардағы екіжақты ынтымақтастықтың кең ауқымды мәселелерін, сондай-ақ өзара мүдделілік туғызып отырған халықаралық және өңірлік сипаттағы жайттарды талқылады.


© Ақорда

Қазақстан Президенті Африка құрлығының батыс аймағынан келген көшбасшының елімізге алғашқы сапары үшін ризашылық білдірді. "Мемлекеттеріміз арасында өзара толық түсіністік бар. Қазақстан мұсылман үмбетінің бір бөлшегі болып саналатындықтан, қазіргідей күрделі уақытта талқылап, пікір алмасатын мәселелер жоқ емес. Жалпы, біздің ел Сенегалмен барлық бағытта - саясатта да, экономикада да ынтымақтастыққа әзір. Сіздің республикаңыз Африкадағы маңызды мемлекет және онымен ынтымақтасу біз үшін зор мәртебе", - деді Мемлекет басшысы.


© Ақорда

Салл Қазақстанға келуге шақырғаны үшін алғыс айтып, бұл сапар екі елдің арасындағы байланыстарды жолға қоюға мүмкіндік береді деп үміттенетінін жеткізді. "Сіздің Орталық Азиядағы және одан сыртқы әлемдегі көшбасшылығыңызға тәнтімін. Сіздің дипломатиялық, саяси және экономикалық қызметіңіз осы өңірден тысқары жерлерді де қамтып отыр. Астана Сіздің бүкіл әлемде құрметке ие болған асқан жасампаздық  қасиеттеріңіздің көрінісі болып саналады. Мен өз атымнан бүкіл Африканың Қазақстанмен ынтымақтастықты қалайтынын айтқым келеді. Қазір біздің құрлыққа бүкіл әлем қызығушылық танытуда. Біз сіздерге серіктес ретінде ынтымақтастықты жолға қою үшін келдік", - деді Сенегал Президенті.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай